رضوان بن عبد السلام: أنا مع المقاطعة واخا يكون الشيطان هو مول الفكرة

أعلن الداعية المغربي المثير للجدل رضوان بنعبد السلام، انضمامه لحملة مقاطعة بعض المنتجات الإستهلاكية، التي تم إطلاقها على الصفحات الإجتماعية بالمغرب، مؤكدا أنه “مع المقاطعة حتى وإن الشيطان هو صاحب الفكرة.

وكتب بن عبد السلام، في تدوينة على صفحته بالفيسبوك، “بِصِفَتي واحد من المداويخ فإنني لا زلت مع المقاطعة لأنها حق مشروع ووسلية حضارية وطريقة ناجحة في تدويخ المقزدرين لي طالعين للقمر بدوك الأثمنة التي لا توجد في أي دولة على كوكب الأرض إلا عندنا حنا…!” متسائلا “لتر ونصف ديال الما ب 6 دراهم …؟! ”

ثم أردف الداعية المثير للجدل بخرجاته الإعلامية، “أما هادوك لي كيقولو أن المقاطعة حَرَكَتها أيدي خفية …
كنقوليهم … أنا مع المقاطعة وخا يكون الشيطان هو مول هاذ الفكرة… أنا مع المقاطعة لأنني كنحس بالظلم ملي كنشوف فأوروبا الزيت ب 9 دراهم عندنا ب 16 دراهم الما ب 2 دراهم عندنا ب 6 دراهم، الحليب ب 5 دراهم عندنا ب 7 دراهم، اللحم ب 50 درهم عندنا ب 70 درهم، “وهناك منتوجات أخرى على هذا المثال”.

والمضحك المبكي، يقول المتحدث، ” أن الخدام فأوروبا الخلصة ديالو على الأقل ألف أورو – يعني مليون – عشرة آلاف درهم، هاذ الحكرة والظلم هوما سباب المقاطعة، والله ما كاين معاهم غا المقاطعة”، ثم زاد “كنكون بردت غي كنرجع نسمع التصريحات ديالهم وكنزيد نستمر على المقاطعة لأن عندها أثر قوي في تخويف أصحاب الزيادات فالأثمنة..راه أغلب الشركات دبا يدهم على قلبهم وتقول غير واقفين في يوم الحساب …”.

وختم تدوينته بالقول، ” شوفتي المداويخ …. غا سيمانة ديال المقاطعة دوخو العالم، إوا زيرو معنا السمطة راه حنا مداويخ !”