أمكراز: أخنوش سرق الفلوس فبزاف دالمجالات ماشي غير في البترول

آشكاين من أكادير/محمد دنـــــــــــيا

قال الكاتب الوطني لشبيبة حزب العدالة والتنمية؛ محمد أمكراز، “شبيبة أخنوش قامت بالهجوم علي هذا الأسبوع، وأنا أقول لهم: أن محمد أمكراز مواطن بسيط وعادي، وسيبقى يقول “لي كيبان لو إلى أن يتوفاه الله، وراه مكيخلعونيش يقولوا لي بغاو”، مردفا “السؤال الحقيقي هو؛ ما قلت بأن عزيز أخنوش، يستغل مشاريع حكومية من أجل الإغتناء الشخصي و”جمع مكاسب مالية حقيرة”، هل هو صحيح أم غير صحيح؟”.

وأوضح أمكراز؛ خلال كلمة له خلال اللقاء التواصلي المنظم من طرف شبيبة “البيجيدي”، أن “ما قلته قاله أناس قبل أن أقوله أنا، ولم يستطيعوا الإجابة عنه”، مضيفا “أمكراز يكون لي بغا يكون؛ ولكن داكشي لي كيقول واش صحيح ولا لا، واش الرئيس ديالهم إستغل إصلاحا كبيرا من حجم إصلاح صندوق المقاصة؛ من أجل جمع مكاسب مالية حقيرة، أم هذا غير صحيح؟ جاوبوا الناس قولوا لهم لا؛ الأمر غير صحيح وبلي أنا غير كنخربق وبلي 17 مليون لي قالو البرلمانيين راه حتا هما كيكذبو”.

واسترسل الكاتب الوطني لشبيبة حزب العدالة والتنمية، خلال اللقاء المنظم بمدينة ايت ملول يوم السبت المنصرم، “راه يا إما لجنة تقصي الحقائق حول أسعار المحروقات التي قام بها البرلمان كذابة، يا إما هاد الناس خاصهوم إخلصوا ويسترجعوا تلك الأموال، وإذا كان البرلمان يكذب على المغاربة خاصنا نحلو البرلمان ويمشي فحالو ونساليو هاد الحكاية، وإلى هاد الناس داو الفلوس يردوهم، سالينا هاد المعادلة بسيطة، يالله جاوبو على هادشي”.

وأكد المتحدث؛ خلال اللقاء التواصلي حول موضوع “الشباب والخيار الديموقراطي”، “هاد الناس داو الفلوس، وماشي غير في البترول، بل فبزاف دالمجالات”، معتبرا أن “هؤلاء لا يشكلون بديلا للمغاربة، وأين مشروعهم السياسي، عليهم أن يقدموه للمغاربة ويقدموا حصيلتهم ويتكلموا مع الناس، وهذا هو الجواب الحقيقي والنقاش السياسي الذي يجب أن يكون ويرقى بوعي المجتمع”، مردفا “ياريت يكونوا كيشكلوا بديل حقيقي؛ لكن للأسف الشديد هذا غير صحيح، هؤلاء يكذبون على المغاربة وأفقهم هو إنتخابات 2021”.

وخلص أمكراز، “أنا كنقول لهؤلاء؛ بلي هادوك لي حطوهم اليوم في الواجهة، باش يشدوا بهم إنتخابات 2021، غايديرو لهم بحال “كلينيكس”، وهادوك لي كيحركوكم اليوم بعد 2021 مايعقلوش عليك، خاصهوم يردو البال، واش عينيهم فيهم ولا عينيهم في حاجة أخرى”، معتبرا أن “هؤلاء خاصهم يجيو يناقشوا ويتكلموا مع الناس ماشي معانا حنا، وكل واحد يتكلم الكلام لي يجي معاه، فلا يعقل واحد غني يتكلم على البروليتاريا والفقراء، ومايمكنش واحد يستغل ويسرق يتكلم على الشفافية”، وفق المتحدث